Senile Ramos on impeachment and poverty: No akin to iyayagel si Corona?

Mangkabaw lay Fidel Ramos. Say kuanto say impeachment ag to risolbaen so kairapan. Siopa kasi angibaga ed sikato ya sayay impeachment et makarisolba na kairapan daray totoo?

Akin ibaga to ya? Antoy panlalapuay kanonotan to?

Labay to kasi ya itonda la yan impeachment lapud sayay inanak ton si Corona?

Akin aanaken to si Corona?

Lapud si Corona et nantrabaho bilang Assistant Executive Secretary for Legal Affairs tan pangolo na Malacañang Legal Office nen 1992. Nen 1994, nanmaliw sikaton Deputy Executive Secretary tan Chief Presidential Legal Counsel. Si Ramos so angiter na Philippine Legion of Honor medal, with the rank of officer ed si Corona nen 1998.

Andukey sirin ya taon so pinankaiba da Ramos tan si Corona.

Natan say koniksion nen Ramos tan GMA ed si Corona et malinlinew.

Nen 1998, si Corona so chief of staff tan spokesperson nen Vice President Gloria Macapagal-Arroyo. Nen nanmaliw ya pangolo si GMA, si Corona so apilin Presidential Chief of Staff.

Inyagel nen Ramos si GMA nen dakel lay totoon manggabay ya naikal sikato.

Sakbay ya, say inap ko dakel so amta nen Corona nipaakar ed powergrab ya ginawa da laban ed si Erap. Wala kasi betang nen Ramos ed sayan agawa ya pinangoloan na sakey ya Angelo Reyes a nantaynan ed si Erap ta pian onbaliktad so militar?

Wala kasi ran kaso nen Ramos ya say nanbenben et si Corona?

Ramos, after his presidency, is still maneuvering behind the scenes when he should retire. He brags on his presidency as one of the best, if not the best, which is, of course, a lie. He is trying to rehabilitate his image as one of the notorious martial law henchmen of the dictator Marcos to a statesman who had transformed the nation, which is nothing but a myth.

Whatever the legacy of corruption that GMA had bequeathed to the nation, Ramos had a hand on it since he allowed himself to keep silent. In any case, how can he rant against GMA when he and his loyal generals were instrumental in putting that bitch in Malacanang and were beneficiaries of her rule?

Satan so rason no akin to iyayagel si Corona.

Pestaño murder: Say post-Marcos military corruption gimmapo nen panaon nen Fidel Ramos

Nen 1995, sakey ya navy ensign ya manngaran ya Philip Pestaño so pinatey lapud asukayan ton korapsion ya nagagawa.

Antoy ginawa nen Ramos ya sayan kaso et niyakar ed kargo na Ombudsman nen 1998 labat?

Taloran taon ya inatey may too anggapo so katunongan ya nalmo lapud apikewet ya hustisya.

Saray asukayan nen Pestaño:

1. iray troson iligal ya aputir ya labay ya ilako daray atatagey ya totoo ed Philippine Navy, AFP tan arum ni ran totoo ed gobierno;
2. sako-sakon shabu ya bilyon so bili to;
3. iray armas ya ilako na militar ed saray Abu Sayyaf.

Wala kasi betang nen Enrile tan Ramos ed saraya?

Lagi.

Nen 2009, say Ombudsman ya uuloan nen inutil tan istupidon Gutierrez so nan-dismiss ed kaso.

Natan ya taon labat nen panaon nen Ombudsman Carpio-Morales ya say kaso et aliwan suicide no ag ingen murder. Iray totoon amatey ed sikato: Capt. Ricardo Ordoñez; Cmdr. Reynaldo Lopez, Hospital Man 2 Welmenio Aquino, Lt. Cmdr. Luidegar Casis, Lt. Cmdr. Alfrederick Alba, Machinery Repairman 2 Sandy Miranda, Lt. Cmdr. Joselito Colico, Lt. Cmdr. Ruben Roque, PO1 Carlito Amoroso tan PO2 Leonor Igcasan.

Sikaton wala lay 16 taon so apalabas ya anggapoy hustisya ed si Philip.

Say lamut na korapsion ed Pilipinas et say corrupt ya Philippine judiciary.

No arisolba ya nen 1996 tan naibelyaw so korapsion ya nagagawa ed AFP, wala kasi ni Carlos Garcia tan Jacinto Ligot ya onpaway nen embeneg iran taon ya nantakew ed pondo na gobierno?

Ag nayarin orasan nen Ramos so lima to ed sayan agawa ed si Philip tan say korapsion ed militar ya ginmapo ed administrasion to.