Danggo Nasyunal na Pilipinas

Jose Palma

Inpatalos ed Pangasinan manlapud Espanyol nen Erwin S. Fernandez

Dalin ya inaro

Anak na agew ed letakan,

Say apuy to manliub

Ed panagparuk ed sika.

Baley daray ar-aro

Andoyan na kabayanian,

Saray mananamsam

Ag da ka nadiwit anggad piga.

Diad tawen mon inanagan, diad saray lurem mo,

Diad saray palandey mo tan ed dayat mo

Masnag tan onpaparuk so anlong

Na inaron kawayangan mo.

Say laylay mo, ed saray bakálan,

Nansilew ed pamanaltalo,

Ag nalinggis ya naerep andi kapigan man
Iray bituwen mo ni tay banuam.

Dalin na gayaga, na agew tan daray ar-aro,

Diad akualan mo agay lay samit so nabilay;

Sakey ya gloria ed saray anak mo,

No sikay sakitan da et onpatey lapud sika.

[Inbalikas nen 19 Hunio 2012, Manila]