Sakey ya medical conspiracy: Si Corona ed Medical City and the need to convict now the thief justice

Iray doktor natan et sikara so sangkaganoan ya pangalaay alibi ta pian ag makaarap ed saray kaso na sakey ya baleg ya too.

Nanonotan ya si Gloria Macapagal Arroyo, matakew ya pangolo ya kapalduan Pangasinense, et inusar to ray doktor na St. Luke's pian makapanbaraan ya onalis ed bansa. Wala iray doktor ya sarag dan opiraan si Gloria balet diad certification daray doktor na St. Luke's kaokolan to kono so onla ed abroad ta ag da kayaryan ya tambalen si Gloria. Baleg ya tampal ed saray ispiyalistan Pilipino!

Amay agawa nen karuman et sakey ya apinonong da la ray abogago nen Corona. Si masiken lan Cuevas ya sangkamaungan ya managtila so makaamta ed aplanon panagbatik nen Corona kasumpal so andukerukey ya opening statement.

Naataki kono na hypoglycemia si Corona ya maksil nen linmagey, akisamano ni ed saray abogago to tan nanakar ya maples anggano anggapo ni so inter ya pirmiso nen tangawtangaw ya Enrile. Baleg so papil nen Enrile no akin nanmaliw ya moro-moro so Sinado nen karuman ta pinolyanan to ya manmonologue si Corona ya say kuanen Atty. Mario Bautista et "highly irregular."

Pinmaway so bulletin na Medical City ya say kuanen Dr. Eugenio Jose Ramos, senior vice president na Medical City ed Pasig, si Corona kono et tatambalen da lapud "possible acute coronary syndrome or heart attack" ta wala ray sintomas to ya "shortness of breath, cold sweats and light-headedness."

These are all lies! Tila irayan amin. Et si Dr. Ramos et nanpausar ed si Corona pian aga makaatindi ed hearing natan. Kanayon to kasi si corrupt ya Fidel Ramos, ya sakey ya supporter nen Corona?

Aga kasi sosomlangen na medical ethics sayan ginawa nen Ramos?

Inusar nen Corona so saman ya taluran oras pian ibaga to saray hearsay ya anggapoy dokuminto ya mangiter na suporta.

Iray impliyado na korti mibabalin akisimpatia ed si Corona ya nankawes ni ray ambalanga ya ag da ninonot ya say oras da et mas importantin niusar ed saray kason dakerakel ya atipon ed saray korti.

No akin ta susuportaan da si Corona et lapud kapara iran matakew, korap, abusado. Akin anggapoy impliyado ditan na korti ya anti-Corona ya amin irad tan et bulag, telek ed saray ginawgawa nen Corona?

The time has come to convict Corona. To acquit him is to prolong the agony of the Filipino people who are sick and tired of corruption and to continue the desecration of justice long to have been at the hands of the rich and the powerful.