Say Marcos/Ramos/Erap/GMA party: Say basuran United Nationalist Alliance (UNA)

Dugaruga may inbugak ya ayay si Binay et mamaulo ed ileletneg dan partidon walay malenleneg ya koniksion da ed si diktador ya Ilokano, Ferdie Marcos.

Sayay UNA so partido daray korap, trapo tan anggapoay prinsipyon totoo. Naniba iray maka-Ramos, maka-Erap, maka-Gloria polos iran administrasion ya pekewet so ginawa lautla yay Pangasinense-Kapampangan ya si Gloria Macapagal Arroyo.

Akin no walay dala ton Pangasinan korap? Aliwa kasin onia ed si Fidel Valdez Ramos ya Ilokano-Pangasinan? Nanonotan yo ni may Expo Pilipino? Amay PEA-Amari? Amay Philip Pestano murder ya asukayan na inatey so korapsion ed militar?

Kaokolan ya AGA IBOTOS IRAYAN TOTOO ED SAYAN ONSABIN ILIKSION (those we must NOT VOTE for the coming elections):

1. GREGORIO HONASAN. Say aanaken nen Enrile ya sakey ya ipokrito ed panbobosol to ed saray ipokrito konon mibabali ed impeachment trial nen Corona. Intilak to ray kakaiba to ed kapetangan daray kudeta.

2. JACK ENRILE. Say tugtuwan anak nen Enrile ya labay to labat ya walay onsandi ed sikato pian manprotikta ed intiris da. Wala ni so smuggling ed Aparri? Akin ag la itonda so political dynasty da?

3. MIGUEL ZUBIRI. Amta to so opirasion nen Gloria ya mansaol nen iliksion na 2007. Sikaton mankuakuanan labat ya ag to amta pian makabatik natan ya iliksion et manalo. "So young yet so corrupt."

4. MITOS MAGSAYSAY. Kanayon to kari irayay Magsaysay na Zambales? Lagi. Trapo sirin. Maka-Gloria.

5. JV EJERCITO. Anak ed paway nen Erap. Anto kasi gaween to ya ed Sinado? Kapara toy Bong Revilla odino Lito Lapid? Trapo.

6. ERNESTO MACEDA. Ag la sinmawa yan politiko. Loyalista nen Marcos. Trapo.

7. MA. LOURDES NANCY BINAY. Anto ya? Political dynasty aliwa labat ed Makati? Lapud anak labat? Trapo.

8. LOREN LEGARDA. Kaokolan lan salatan na balo.

9. CHIZ ESCUDERO. Pamilya daray trapo. Ag to ninonot ya maung ya so ngaran nadiral ed sayan partido.

10. ALLAN PETER CAYETANO. Lapud inpila toy ngaran to ed sayan partido.

11. JOEY DE VENECIA. Anak na trapon si Joe de Venecia.

SARAY IBOTOS IRAY ALIWAN TRAPO, ANGGAPOY KONIKSION DAN INTIRO ED SI MARCOS, AQUINO, RAMOS, ERAP TAN SI GMA.

KAOKOLAN SO BALON POLITIKA PARAD MAALIGUAS YA PILIPINAS. We must  shun corrupt, traditional politicians who will only promote their selfish and vested interests; we must elect new and principled senators who had in their hearts the best interest for betterment of the country.