NAIA I, still the worst airport

Say Ninoy Aquino International Airport odino NAIA Terminal 1 so worst airport nen sansia.

Agi, nen inabet mi si inak, panginaen tan pangamaen ko ra nen Iniro 29 ya manlapu rad London, inmogip kami ed parking A. Say CR diman agay lay rutak tan banget.

Kaimbuasan to, nanalagar kami ya anggad ngarem ta diad embeneg ya agew intolor mi agik ya onlad Singapore, natan ka walay biin narel daray security guard. Manaya ayan bii inerel da ta anggapo met so abeten to no ag ingen mankerew ed saray onsasabin sangkaili  tan iray balikbayan.

Say adengel to may kapinsan ko et eerelen da yan bii ta say kuanto "hindi lang kayo nabigyan kaya hinuhuli ninyo ako." Say pakatalos to ya, popolyanan na security na NAIA ya onloob irayan manpopoyabol ta pian makaala iray lagay. Saya so racket da.

Natan siak, say kapinsan ko tan si amak ya wala kamid luganan nanimbestiga. Asiim mi ra ya dakedakel manayay aga kaokolan ya onla ed airport ya sibersiber ya popolyanan daray security guard tan say top management.

Amay bii ya inerel da akapaway la ya kerew kerew ed saray foreigner ya makapabaing. Iray lalaki, mga 5-7 ira, et atayak ed airport manbabantay siopa ray onsasabi. Sakey ed sikara mibabalin mangalay bagahi, awiten da ed luganan daray balikbayan. Natan no akasabi la ra, mankerew iray iderew ed sikara.

Nen alikas mi irayan racket, walay sakey ya lakin aka-walkie talkie ya inmasingger ed luganan mi. Mankuakuanan ya katongtong to so sakey ya too balet say amtak et mandedengel ed tongtongan mi. Imbagak ya ed si amak. Walay duaran too ya sinmabi ya say inap mi et kaiba daray lalakin rumarakit.

Diad nonot ko, aga nayarin iyontan da iramay onsabin aalagaren mi. Sinmabi so oras. Inabet mi ra tan intolak mi ray bagahi ed van nen sampluran minutoy apalabas walay lakin sinmabi ya aaleen to may trolley ya ipawil to kono balet mankekerew na iderew.

Anggapoy inyawat da. Balet sinmabi so sakey ya lakin akaputi. Nen akalugan kami la et ikapot mi la so pwirta, ayan laki et mankekerew anggano ag met nanawit. Aderewan da lasi na P100. Agi, inpasoot ko komon ed si panginaen ko ya ag to itdan et aga komon naitdan.

Saya so NAIA I ya amtay top management tan security ayan racket nen saman ni angan ko balet popolyanan da.

Nakokompromiso so security daray balikbayan, turista tan iray onaabet lapud sayan pekewet ya nagagawa.

Parad siak, it is still the worst airport.