Panangisumpa ray balon opisiales na UPSP, Nobiembri 13, 2009

No Nobiembri 13, Biernes, ed Agew na Pangasinan, alas 9 na kabuasan, diad San
Carlos City gym ed plaza, nagawa so panangisumpa daray balon opisiales na UPSP
(Ulupan na Pansiansiay Salitan Pangasinan) ed panamegley na Konseho na Siudad na
San Carlos, say pangolo na siudad tan si Dr. Marcelo Casillan. Walay misa na
alas 7 na kabuasan tan panangitagey na bandira na alas 8 na kabuasan.

Kekerewen so panatindi da ray balon opisiales na UPSP, say balon manbebenben na
Balon Silew, saray miembro na UPSP, tan saray miembro na sayan ulupan ed yahoo.

Presidente- Mel Jovellanos
Onkumaduan presidente- Erwin S. Fernandez
Sekritaria- Elnora Dudang
Tresurera- Jesamyne Diokno
Tagapakabat (Papaway)- Sonny Villafania
Tagapakabat(paloob)- Mel Orpilla
Bisnis manedyer- Marino Repalda
Tagakwenta- Larry Millanes
Opapetan:
Dr.Rod Javier
Catalina Felicitas
Dir Jaime Lucas
Dr. Linda Andaya Grubb
Vice Mayor Orlando Bartolome

Pangolon manangikurang: Erwin S. Fernandez
Katolong ya manangikurang: Jesamyne Diokno (balita), Santiago Villafania
(anlong), Sergio Bumadilla (antikey ya tongtong), Melchor Orpilla (kopia)

Saray sumusulat: Elnora Dudang, Catalina Felicitas, Napoleon Resultay, Melanio
Malicdem tan arom ni ra

Panagkerew na anunsio para'd Balon Silew

Saray anunsio so bilay na Balon Silew ta pian ag napoltot so panangipalapag na
magasin. Say bili na sarayan anunsio et: loob na sakob ed arapan: P 1200 (boo),
P 600 (kapaldua), P 350 (kapat); ed loob na sakob ed beneg: P 1200 (boo), P 600
(kapaldua), P 350 (kapat); tan beneg ya sakob: P 2000 (boo), P 1000 (kapaldua),
P 500 (kapat).

Alimbawa na anunsio: panangibano na saray wadmad biektaew, panangibalitay kasal,
binyag, anibersario; doipo dara'y mankaklasi (reunion); produkto odino serbisio;
panangiamta na saray eskuelaan, unibersidad tan antoniran nayarin iyanunsio.

Kabaleyan, dia tan wadma'd biektaew, man-anunsio ki la ed Balon Silew. Naipaamta
ta'y gagaween yo, produkto, odino serbisio, akatolong ki ni ed Balon Silew tan
ed pamabulaslas na koritan tan salitan Pangasinan. Saray man-anunsio et walay
sakey ya kopia da na Balon Silew ya diman pimmaway say anunsio da.

Para'd labay day man-anunsio, ipawit yo'y kaokolan ya naamtaan ed
balonsilew@yahoo.com.

Magnayon lawas so salitan Pangasinan.

Erwin S. Fernandez
Pangolon manangikurang
Balon Silew

Korespondiente para'd Balon Silew

Pian naibilang saray aktibidades na kaluyagan ed arom ya pasen ed Pilipinas
tan diad biektaew, kekerewen na Balon Silew saray nayarin
korespondiente na magasin ed Ibali (Manila), Tarlac, Laguna, Saudi Arabia, Canada, Estados
Unidos tan arom ni ran ag abitlan lugar. Say kimey na korespondiente et
mangisulat ya 500-kataga ya balita ed lugar to ya nipaakar ed Pangasinan (totoo,
agawa, moyongan (organisasion) tan antokaman). Ipawit soy ngaran tan arom ni ran impormasion ed balonsilew@yahoo.com.

Erwin S. Fernandez
Pangolon manangikurang
Balon Silew

Tawag na pangisumiti na artikulo para'd Balon Silew

Kekerewen saray sumusulat ya mangisumiti ray anlong, antikey ya
tongtong, balita tan salaysay. Say pangisumiti et aliwan garantiya na
panangipalapag na saray artikulo. Onsaral ya ed tutul na pangolon manangikurang
tan say ibaga na saray katolong ya manangikurang. Ipawit yo ed
balonsilew@yahoo.com ya ag onlampas na Nobiembri 22.

Erwin S. Fernandez
Pangolon manangikurang
Balon Silew

Salaysay nipaakar ed miting na Balon Silew

Nen Oktubri 24, masakbayak ya nanpa-PSU Lingayen ta pian masakbay ya nasumpal so miting. Akasabiak ya 8:10 na kabuasan. Balet naigapo so miting na 11 na kabuasan ta inalagar niray arom ya kabiangan. Wadman la ya 9 na kabuasan si Madam Elnora Dudang ya maistra ed PSU.

Saray apantongtongan:

1. Say tima na ontumbok ya paway na Balon Silew (Hulio-Disiembri 2009) et say administrasion nen Gobernador Amado T. Espino Jr.

2. Say pangiuksoy na ortograpiya na saray artikulon onpapaway ed Balon Silew ed panamegley na panangipalapag na "Saray Ganggan nipaakar ed Balon Ortograpiya na Balon Silew."

3. Say pangilukas na Balon Silew ya bolong ed Bolinao tan Iloko.

4. Say reorganisasion na liderato na Balon Silew:

Pangolon manangikurang: Erwin S. Fernandez
Katolong ya manangikurang: Jesamyne Diokno (balita), Santiago Villafania (anlong), Sergio Bumadilla (antikey ya tongtong), Melchor Orpilla (kopia)

Saray sumusulat: Elnora Dudang, Catalina Felicitas, Napoleon Resultay, Melanio Malicdem tan arom ni ra

Manag-uksoy (talintao tan nengneng na magasin) Marino Repalda

5. Say pangipawitan ya amin ya artikulo: balonsilew@yahoo.com

6. Saray tima ed saray ontumbok ya paway:

a. Iniro-Marso 2010 - Saray Simbaan ed Pangasinan
b. Abril-Hunio 2010 - Saray Masansanting ya Pasen ed Pangasinan
c. Hulio-Setiembri 2010 - Panagparles na Panaun ed Pangasinan
d. Oktobri-Disiembri 2010 - Kikiew tan Tantanaman ed Pangasinan
e. Iniro-Marso 2011 - Sira-sira ed Pangasinan
f. Abril-Hunio 2011 - Saray Manok ed Pangasinan
g. Hulio-Setiembri 2011 - Saray Industria ed Pangasinan
h. Oktobri-Disiembri 2011 - Tradision ed Inkianak ed Pangasinan

No sarag ya gaween ya kada duaran bulan so paway na Balon Silew et marakep.

7. Pamaakaran nipaakar ed pangalay pondo ta nababalang so pondo na Balon Silew:
a. Pankerew ya tolong pinansial ed saray pilantropo.
b. Saray anunsiyo ed Balon Silew ya itdan say makakerew na 20 porsiento na loob na sakob ed arapan: P 1200 (boo), P 600 (kapaldua), P 350 (kapat); ed loob na sakob ed beneg: P 1200 (boo), P 600 (kapaldua), P 350 (kapat); tan beneg ya sakob: P 2000 (boo), P 1000 (kapaldua), P 500 (kapat).

8. Saray naitdan ya betang nipaakar ed administrasion nen Gob. Espino:
a. administrasion - Catalina Felicitas
b. bilay nen Gob. Espino - Elnora Dudang
c. bilay tan kimey nen Bise-Gobernador Agabas - Jesamyne Diokno
d. Nipaakar ed Agew na Pangasinan - Melchor Orpilla
e. Saray nagawa no Agew na Pangasinan (Nobiembri 13) - Nap Resultay
f. Komiks - Jesamyne Diokno

9. Say kasampotan ya agew ya pangisumiti na artikulo tan arom ni ran sulat (anlong, antikey ya tongtong, balita, salaysay): imbis ya Nobiembri 15, gaween lan Nobiembri  22.

10. Pangiyanap ya mamura balet de-kalidad ya pangigalutan na Balon Silew

Asumpal so miting ya 4 na ngarem. Salamat ya daakan ed kinen Madam Dudang ed pangiwi to'd sikami legan wala kami'd lugar da.

Erwin S. Fernandez