Featured Post

Say Pangasinensen ngalngalin nanmaliw ya pangolo na bansa: Si Carlos Peña Romulo (1898-1985)

Nipaakar ed sayan talintao. Say inpansamba nen Carlos P. Romulo ed arap nen Pangolon Manuel Roxas nen 1946. Walad kawanan si Speaker of th...

Mar 11, 2009

Liriko numero 1

nen Jose Garcia Villa

Inpatalus ed Pangasinan manlapud Inglis nen Erwin S. Fernandez

Saya amay agko balot imbaga
Say naynay kon kakansionen -

Ag aya naanap ed saray agew
Aya amay naynay ya ongagapo
Diad kapalduan-ambilonget, diad kapalduan-liwawa.
Onsisileng lalon pikewet
Balet ontatagey ya atagey tan mangibabaga
No iner say unan bulaklak limmukso
Nen abalang ed lima na Dios so panangaro.
Saya et baleg a salita naandian ya tanol
Naandian taningting ya mangipatnag
No iner ya linmesab so balingit!

O balet amin iya wadman
Ed tagey na saray anlong ko sakey a balanggit.

Mar 9, 2009

Para'd Bantog ya Proletario

nen Angela Manalang-Gloria

inpatalus manlapud Inglis ed Pangasinan nen Erwin S. Fernandez

Kimmerew kayoy tinapay
Inter mi'd sikayoy bato

Andi-taligaygay
Intayatak yo ray pokel
Tan bongo yo diad
Sakop na kanonotan mi
Sinosobok yoy agew mi
Sinosomlang yoy uran mi
Pian onapura ed
Sangpot na
inkaanggapo

Impanpayabol na bosol
Sikamin angibantak na bato
Tan nankerew ed ipapatey yo
Diad pegley na kapokelan yo
Natan manorangal - para'd tinapay

Bantog Iran Post