Bii kan mabiskeg, sika Urduja!
Nanoley ed Caboloan nen ugma;
Manlapud palandeyan na Cordillera anggad burakán na Bolinao;
Manlapud kaumaan na Zambales anggad katakelan na Abra
Sakbay nen Salcedo tan de Goiti ya Castila,
Panarianyo maaliguas tan mabuná;
Sankailian ya Hapon, Inchik mabetbet ombisita,
Onleksab saray Igolot manlakod kabisera
Intanduro da kay arom ya bánsa,
Inibaloi, Alinguey arom nen baley indayewdaka;
Diad awáran na Pangasinan nen saman tan natan,
Ed otel na kanonotan na lúyag agdaka alinguanan
Balet bangon ka, Urduja! Bangon ka!
Bangon kad lobók na linawa;
Say polim panpurakdad sika asinggerla,
Ta say inarom ya salita pateyto nabuasla!
Nanoley ed Caboloan nen ugma;
Manlapud palandeyan na Cordillera anggad burakán na Bolinao;
Manlapud kaumaan na Zambales anggad katakelan na Abra
Sakbay nen Salcedo tan de Goiti ya Castila,
Panarianyo maaliguas tan mabuná;
Sankailian ya Hapon, Inchik mabetbet ombisita,
Onleksab saray Igolot manlakod kabisera
Intanduro da kay arom ya bánsa,
Inibaloi, Alinguey arom nen baley indayewdaka;
Diad awáran na Pangasinan nen saman tan natan,
Ed otel na kanonotan na lúyag agdaka alinguanan
Balet bangon ka, Urduja! Bangon ka!
Bangon kad lobók na linawa;
Say polim panpurakdad sika asinggerla,
Ta say inarom ya salita pateyto nabuasla!
Sayan anlong et analo ya Honorable Mention ed Unan Paliagan na Anlong ed Pangasinan nen Agosto 2006 na inisponsor na Komisyon na Dilan Filipino. Unan naipalapag ed Nolasco, Ricardo Ma., Jose Laderas Santos & Santiago Villafania, eds. Ani ng Wika 2006. Maynila: Komisyon sa Wikang Filipino, 2007: 213.
No comments:
Post a Comment